A Consellería de Política Social, a través do Programa de Iniciativa Xove, ven de concedernos unha axuda económica para o desenvolvemento do Proxecto de Ocio e Expresión Corporal. Deste xeito usuarios/as da entidade participaron en diferentes actividades de ocio na contorna counitaria e, por outra banda, presentaron a nova obra de teatro “Arrugas” baseada na obra de Paco Roca.

Con fondos da Consellería de Política Social, a Dirección Xeral de Xuventude, Perticipación e Voluntariado concedeunos unha subvención para desenvolver o proxecto “CAMIÑANDO” neste ano 2017.

A través deste proxecto proporciónanse os apoios necesarios para que as persoas participantes cheguen a dispor das habilidades necesarias para aproveitar o seu tempo de ocio e lecer da forma máis autónoma posible, fomentando ó mesmo tempo a inclusión social e o uso dos servizos ordinarios da comunidade na que viven. Ademais contamos coa actividade de expresión corporal na que se desenvolven as habilidades sociais e persoais como contido transversal, que favorecerán as relacións interpersoais necesarias para o ocio. Finalmente tamén se favorece a inclusión educativa dos rapaces e rapazas coa Síndrome de Down, facendo os apoios necesarios nos ámbitos da logopedia, da aprendizaxe de lectoescritura e cálculo e da atonomía entre outros.

Outro ano mais prorrogamos o convenio de colaboración co Concello de Pontevedra para o desenvolvemento do Programa de Autonomía Persoal e Desenvolvemento Lingüístico: Dirixido a acadar unha maior inclusión das persoas coa síndrome de Down e Discapacidade Intelectual.

Nome do proxecto: Proxecto de adquisición de equipamento para o servizo de promoción da autonomía persoal

Contía da achega: 600 €

Breve descrición do proxecto: Este proxecto está dirixido a usuarios/as con idades comprendidas entre os 0 e 21 anos e basease na adquisición de materiais destinados  o proxecto “Psicomotricidade para nenos e nenas coa Síndrome de Down”. Este proxecto aplicarase en dous dos programas que forman parte do Servizo de Promoción da Autonomía Persoal (SEPAP) da entidade: O programa de Atención Temperá e o Programa de Apoio Personalizado. O primeiro deles vai encamiñado a realizar unha valoración do neno/a e a establecer unha serie de accións para estimular e compensar os aprendizaxes das distintas área, facilitando un maior desenvolvemento persoal e unha mellor inclusión. No programa de Apoio Personalizado traballarase fundamentalmente no reforzo dos aprendizaxes instrumentais básicos xunto  cun progresivo desenvolvemento do razoamento lóxico e a constante mellora da autoestima, prestando especial atención o desenvolvemento da autonomía e iniciativa persoal.

Obxectivo xeral do proxecto: O obxectivo xeral deste proxecto é mellorar a calidade de vida dos usuarios/as do proxecto de psicomotricidade, a través da adquisición de materiais para o mesmo.

Nome do proxecto: Proxecto de emprego con apoio

Contía da achega: 2.551,10 €

Breve descrición do proxecto: Este proxecto busca articular unha serie de medidas que contemplen accións de atención constante, individualizada e especializada dirixidas a aqueles colectivos con especiais dificultades de inserción. Neste colectivo destacan especialmente as persoas con discapacidade intelectual, considerado coma un dos colectivos con maior risco de exclusión social e laboral. Deste xeito, a fin de favorecer a participación no mercado de traballo das persoas con discapacidade, así como facilitarlle a formación e información que precisen, a entidade decide desenvolver un Servizo de Emprego con Apoio.

Obxectivos xerais do proxecto:

• Orientar e informar os/as clientes/as sobre o seu perfil profesional e a conveniencia, se é o caso, de modificalo para acceder a ofertas laborais establecendo o seu Plan Personalizado de Inserción.
• Potenciar a colaboración e implicación da familia do/a usuario/a en todos os procesos esenciais do servizo de emprego con apoio.
• Por á disposición do/a cliente/a un sistema estruturado de apoio e acompañamento que lle guíe no proceso de inserción socio-laboral.
• Concienciar aos/as empresarios/as e conseguir ofertas laborais axustadas ó perfil dos/das usuarios/as.

Nome do proxecto: Obradoiro de Xénero

Contía da achega: 2.764,70 €

Breve descrición do proxecto: Este proxecto irá destinado a 27 usuarios/as da entidade e constará de diversos obradoiros que xirarán entorno a temática de xénero así como o fomento da igualdade entre homes e mulleres. Entendendo por isto a participación activa e equilibrada de ambos sexos en tódalas áreas da vida pública e privada, prestando especial atención a dobre condición que da orixe a actitudes discriminatorias: ser muller e ter unha discapacidade. Deste xeito, realizarase un “obradoiro de autoestima”, outro “obradoiro das emocións” e por último o obradoiro sobre “A relación con un mesmo”. Neles buscarase, entre outros aspectos, ampliar o coñecemento sobre si mesmos, a aceptación das propias limitacións, coñecer as diferentes emocións positivas e negativas, identificar as nosas características máis positivas ou non avergoñarse dos nosos aspectos máis negativos.

Obxectivos do proxecto:

• Fomentar e apoiar a participación activa das mulleres en tódolos ámbitos sociais.
• Tomar conciencia da imaxe que temos sobre nos mesmos.
• Fomentar a Igualdade de Xénero entre homes e mulleres.
• Coñecer a realidade e os tipos de violencia de xénero.
• Sensibilizar a os/as usuarios/as sobre unha educación entre iguais.

Nome do proxecto: Aula de formación para o programa de Vida Adulta.

Contía da achega: 2.550 €

Breve descrición do proxecto: Este programa baséase na adquisición de novos materiais aproveitando o máximo os espazos dispoñibles, adquirindo elementos que sexan móbiles e permitan unha maior funcionalidade. Mellorándose ademais a calidade dos materiais empregados, tanto estruturais (mesas e cadeiras) como tecnolóxicos, pois é unha condición relevante para a mellora da calidade do programa. Prestarase especial atención as características concretas do proceso de ensinanza – aprendizaxe das persoas con Síndrome de Down, facendo fincapé tanto na ruta visual como na vía principal de aprendizaxe.

Obxectivo xeral do proxecto: Este proxecto ten como principal finalidade a mellora da dotación da aula destinada a dito programa, tanto a nivel estrutural como tecnolóxico.

a

a

Nome do proxecto: Psicomotricidade de nenos e nenas coa Síndrome de Down.

Contía da achega: 1.000 €

Breve descrición do proxecto: O proxecto desenvolvese en dous dos programas que forman parte do Servizo de Promoción da Autonomía Persoal (SEPAP) da entidade: O Programa de Atención Temperá e o Programa de Apoio Personalizado. O primeiro deles vai dirixido a nenos e nenas coa Síndrome de Down e/ou discapacidade intelectual de 0 a 6 anos. No Programa de Apoio Personaliza
do trabállase fundamentalmente o reforzo das aprendizaxes instrumentais básicas xunto co progresivo desenvolvemento de razoamentos lóxicos e a constante mellora da autoestima, prestando especial atención o desenvolvemento da autonomía e iniciativa persoal.

Obxectivo xeral do proxecto: A finalidade principal deste proxecto é a mellora do equipamento da nosa entidade co fin de traballar en pro da autonomía e a adquisición de habilidades psicomotrices dos nenos/as e xoves.

Print

a

Nome do proxecto: Atención integral a menores e adolescentes coa Síndrome de Down 2016/2019 (prorrogado ata 2019).

Contía da achega: 58.058,40 €

Breve descrición do proxecto: Este proxecto vai dirixido a persoas coa Síndrome de Down e/ou Discapacidade Intelectual onde se traballarán liñas de actuación como o Desenvolvemento da Autonomía, o apoio educativo e desenvolvemento lingüístico, a coordinación con centros educativos e a sensibilización. Na primeira destas liñas de actuación preténdese abordar o proceso de maduración e crecemento das persoas con discapacidade e enlazar coa área de vida adulta. No referente o apoio educativo e o desenvolvemento lingüístico tratase de dar resposta a necesidade de apoio os procesos de escolarización e complementar os aprendizaxes escolares básicos e de desenvolver e mellorar a linguaxe oral das persoas con Síndrome de Down e/ou outra discapacidade intelectual. Por último, no referente a sensibilización actuarase tanto no entorno inmediato dos nenos/as e chicos/as así como na sociedade en xeral ofrecendo sesións de sensibilización nos colexios e institutos tanto a compañeiros/as como a profesionais participando en programas de formación de los/las profesores/as.

Obxectivo xeral do proxecto: O obxectivo xeral perseguido con este proxecto basease en que os nenos e nenas coa Síndrome de Down estean incluídos no seu entorno, en todos os ámbitos e que sexan o mais independentes posible.

Nome do proxecto: Inclusión educativa de nenos e nenas coa Síndrome de Down.

Contía da achega: 6.000,00 €

Breve descrición do proxecto: Este é un programa da Asociación Down Pontevedra “Xuntos”, dirixido a os/ás seus/súas usuarios/as menores, cuxa finalidade é que estes/as acaden un maior nivel educativo e de inclusión social a través da realización de actividades sociais e educativas.

Para levar a cabo este proxecto cóntase cun equipo multidisciplinar de profesionais que traballaran de xeito coordinado entre eles/as e en contacto directo e continuo tanto coas familias como cos colexios. A maiores, serán empregados todos aqueles recursos da comunidade que consideremos de interese para o desenvolvemento integral e a inclusión social das persoas usuarias.

Obxectivo xeral do proxecto: Acadar un maior nivel educativo e de inclusión social dos nenos/as coa Síndrome de Down a través da realización de actividades sociais e educativas.

Con fondos da Consellería de Política Social, o Servizo de Xuventude e Voluntariado concedeunos unha subvención para desenvolver o proxecto “Actívate” neste ano 2016.

A través deste proxecto proporciónanse os apoios necesarios para que as persoas participantes cheguen a dispor das habilidades necesarias para aproveitar o seu tempo de ocio e lecer da forma máis autónoma posible, fomentando ó mesmo tempo a inclusión social e o uso dos servizos ordinarios da comunidade na que viven. Ademais contamos coa actividade de expresión corporal na que se desenvolven as habilidades sociais e persoais como contido transversal, que favorecerán as relacións interpersoais necesarias para o ocio.

Outro ano mais prorrogamos o convenio de colaboración co Concello de Pontevedra para o desenvolvemento do Programa de Autonomía Persoal e Desenvolvemento Lingüístico: Dirixido a acadar unha maior inclusión das persoas coa síndrome de Down e Discapacidade Intelectual.

A Dirección Xeral de Xuventude, Participación e Voluntariado, dependente da Consellería de Política Social da Xunta de Galicia, afianza o seu compromiso coas persoas coa Síndrome de Down e/ou discapacidade intelectual cunha achega de 1.794,10€ ó proxecto “Imos Xuntos” de Down Pontevedra “Xuntos”.

O principal obxectivo desta iniciativa é promover a acción voluntaria nos distintos Programas que se levan a cabo na entidade, coa finalidade de acadar un desenvolvemento pleno das persoas coa Síndrome de Down e/ou outro tipo de discapacidade intelectual.

Este programa de voluntariado desenvolverase nas Áreas de Inclusión Educativa cun programa de apoio personalizado, na Área Complementaria nos programas de Expresión Corporal, Ócio e Tempo de Lecer . Igualmente farase fincapé na Área de Vida Adulta que pretende dotar dos apoios necesarios ás persoas que integran este colectivo.

Beneficiáronse deste proxecto aproximadamente 3 voluntarios/as da asociación que colaboraron cun total de 55 nenos/as e mozos/as usuarios da entidade.

A labor dos voluntarios é fundamental para facer posible que as persoas coa Síndrome de Down e/ou outro tipo de discapacidade intelectual acaden a súa inclusión en tódolos ámbitos axudando ó seu desenvolvemento pleno a través da participación en varios dos Programas que oferta a entidades.