Axuda para o Proxecto de Empoderamento de mulleres no colectivo da Síndrome de Down – Discapacidade Intelectual

Desde Down Pontevedra “Xuntos” estamos a levar a cabo o Programa de empoderamento de mulleres no colectivo da Síndrome de Down e/ou Discapacidade Intelectual (novembro 2016- setembro 2017). Dito programa, subvencionado pola Secretaría Xeral de Igualdade e Fondo Social Europeo 2014-2020 e que atende a 20 usuarias, fundaméntase nun proceso de concienciación, de aprendizaxe e adquisición de ferramentas para a transformación social a través do empoderamento individual e colectivo (creación de redes e participación social).

Para acadalo, este artellase en cinco eixos: orientación e información sobre recursos, atención psicolóxica, mediación familiar, adquisición de habilidades persoais e sociais básicas ou de competencia de cara a mellora da empregabilidade e apoio e orientación laboral.

Todo isto co obxectivo de  favorecer e mellorar a calidade de vida das mulleres coa Síndrome de Down e/ou outra discapacidade intelectual e ás súas familiares mulleres, contribuíndo ao seu desenvolvemento e evolución persoal ou laboral.