A Deputación de Pontevedra concede a Down Pontevedra “Xuntos” unha axuda no marco do programa “+Convivencia”

Trátase dunha iniciativa dirixida a entidades sen fins de lucro para que percorran a provincia, compartan experiencias, creen espazos de participación e poñan en valor o patrimonio natural, artístico, etnográfico e cultural de Pontevedra ao tempo que dinamizan o comercio local. A actividade consistirá nunha ruta a Illa de San Simón, este proxecto busca proporcionar os apoios necesarios para as persoas coa Síndrome de Down e/ou outro tipo de discapacidade intelectual. A participación comunitaria favorece a adquisición, desenvolvemento e afianzamento de habilidades sociais e a creación de vínculos afectivos entre as persoas usuarias que participan neste proxecto,  as súas familias e a profesionais da entidade.