Axuda da Consellería de Política Social – Programa Iniciativa Xove

A Consellería de Política Social, a través do Programa de Iniciativa Xove, ven de concedernos unha axuda económica para o desenvolvemento do Proxecto “En rede coa contorna comunitaria”.  Este proxecto busca proporcionar os apoios necesarios para que as persoas coa síndrome de Down e/ou outro tipo de discapacidade intelectual cheguen a dispor das habilidades necesarias para a participación efectiva na súa contorna, fomentando ao mesmo tempo a inclusión social e o uso dos servizos ordinarios da comunidade na que viven.